ایپل کی آئی او ایس کی نئی اپ ڈیٹ جاری کرنے کی تیاری

ٹیکنالوجی کمپنی ایپل آئی فون صارفین کیلئے آئی او ایس 17.4.1کی تازہ ترین اپ ڈیٹ جاری کرنے کی تیاری کر رہی ہے جس کا مقصد سافٹ ویئر بگز اور سیکیورٹی کمزوریوں کو دور کرنا ہے۔یہ بات مبہم ہے کہ کمپنی کی جانب سے آئی او ایس 17.4.1کب متعارف کیا جائے گا۔ امید کی جارہی ہے کہ یہ اپ ڈیٹ اس ہفتے یا آئندہ ہفتے متعارف کرا دی جائے گی۔دوسری جانب اس متعلق بھی بتایا جارہا ہے کہ کمپنی آئی او ایس 17.5کی اندرونی آزمائش کر رہی ہے اور جلد ہی اس آئی او ایس ورژن کا بِیٹا ٹیسٹنگ کے لیے متعارف کرایا جانا متوقع ہے۔گزشتہ ہفتے ایپل نے آئی فون صارفین کے لیے آئی او ایس 17.4ورژن متعارف کرایا تھا۔کمپنی کی جانب سے متعارف کرائی گئی اس اپ ڈیٹ میں آئی میسج کی سیکیورٹی اور پوڈ کاسٹ ایپ میں واضح تبدیلیوں کے ساتھ 118نئے ایموجی پیش کیے گئے تھے۔ساتھ ہی اس اپ ڈیٹ میں یورپی یونین کے ڈیجیٹل مارکٹنگ ایکٹ (ڈی ایم اے)کے پیشِ نظر متعدد دیگر تبدیلیاں بھی پیش کی گئی تھیں۔کمپنی کی جانب سے متعارف کرائی جانے والی اس اپ ڈیٹ کے بعد صارفین کو جلد بیٹری ختم ہوجانے کی شکایات کا سامنا تھا۔