سندھ اسمبلی کیلئے مخصوص نشستوں کا نوٹیفکیشن جاری

الیکشن کمیشن آف پاکستان نے سندھ اسمبلی کے لیے خواتین اور اقلیتی نشستوں کا نوٹیفکیشن جاری کر دیا، صوبائی اسمبلی کا 16واں ایوان مکمل ہوگیا۔نوٹیفکیشن کے مطابق سندھ اسمبلی میں خواتین کی29اور اقلیتوں کی 9مخصوص نشستیں ہیں، خواتین کی مخصوص نشستوں پر پیپلز پارٹی کی 20ارکان جبکہ اقلیتوں کی مخصوص نشستوں 6 ارکان منتخب ہوئے۔اقلیت کی ایک اور خواتین کی 2نشستوں پر فیصلہ نہیں ہوا، سنی اتحاد کونسل میں شامل آزاد ارکان کی مخصوص نشستوں پر فیصلہ نہیں ہوا۔پیپلز پارٹی کی ہیرسوہو پانچویں مرتبہ سندھ اسمبلی رکن منتخب ہوئیں جبکہ ڈاکٹر کھٹو مل جیون چوتھی بار رکن منتخب ہوئے ہیں۔صوبائی اسمبلی میں جی ڈی اے ارکان کی تعداد 3ہوگئی جبکہ پیپلز پارٹی کی سندھ اسمبلی میں 114نشستیں ہوگئیں۔اقلیت کی نشستوں پر ایم کیو ایم پاکستان کے 2ارکان منتخب ہوئے۔نوٹیفکیشن کے مطابق ایم کیو ایم پاکستان کو سندھ اسمبلی میں خواتین کی 6نشستیں ملی ہیں۔ ایم کیو ایم کی مخصوص نشستوں کے ساتھ اسمبلی میں 36سیٹیں ہوگئیں۔