کراچی پر2018میں غیر مقامی افراد کو مسلط کیا گیا اس بار ایسا نہیں ہونے دیں گے

ایم کیو ایم ڈپٹی کنوینر انیس قائمخانی نے کہا ہے کہ عام انتخابات 2018میں غیر مقامی افراد پر جبرا کراچی پر مسلط کیا گیا لیکن اس بار ایسا نہیں ہونے دیں گے10جنوری،2024متحدہ قومی موومنٹ پاکستان کے مرکزی شعبہ اطلاعات کا اجلاس ایم کیو ایم پاکستان کے مرکزی الیکشن آفس پاکستان ہاس میں منعقد کیا گیا جس سے ڈپٹی کنوینر انیس قائمخانی اور انچارج مرکزی شعبہ اطلاعات احسن غوری نے شعبہ جاتی ذمہ داران سے گفتگو کی۔ ڈپٹی کنوینر انیس قائمخانی نے ذمہ داران سے گفتگو کرتے ہوئے کہا کہ 2024کے عام انتخابات کی انتخابی مہم میں بھی شعبہ اطلاعات کے ایک ایک ذمہ دار کا اہم کردار ہے، ذمہ داران تیاری کرلیں اور ایم کیو ایم کے خلاف کیا جانے والے منفی پروپیگنڈے کے خلاف حکمت عملی تیار کریں، ایم کیو ایم کے منشور کو بذریعہ پرنٹ و الیکٹرونک میڈیا عوام تک پہنچانا ہے۔ آنے والا وقت شہری سندھ میں ترقی اور خوشحالی کا وقت ہے، انشااللہ ایم کیو ایم پاکستان 2018کے عام انتخابات میں چھینی جانے والی نشستیں واپس حاصل کرے گی۔ انہوں نے مزید کہا کہ،عوام کے ووٹ کو چوری ہونے سے بچانا اور اس کی نشاندہی کرنا ہماری ذمہ داری ہے جسے ہم بخوبی نبھائیں گے۔