بھارت کی کئی ریاستوں اور شہروں میں اسکولوں کی چھٹیوں میں اضافہ کردیا گیا

بھارت کی کئی ریاستوں اور شہروں میں سخت سردی کی لہر کے باعث اسکولوں کی چھٹیوں میں اضافہ کردیا گیا۔دہلی میں 5ویں جماعت تک تمام سرکاری اور پرائیوٹ اسکولوں کو 12 جنوری تک بند کردیا گیا ہے۔بھارتی ریاست پنجاب میں بھی سخت سردی کے باعث تمام اسکول 8سے 14جنوری تک بند رہیں گے۔ ریاست پنجاب میں گیارہویں اور بارہویں جماعت کے اسکولوں کا ٹائم تبدیل کر کے 10سے 3بجے کردیا گیا ہے۔ریاست ریاست راجستھان اور اتر پردیش جبکہ نوائیڈا اور لکھنئو میں بھی اسکولوں کو سخت سردی کی لہر کے باعث بند کردیا گیا ہے۔ محکمہ موسمیات نے بھارت کے کئی شہروں میں آئندہ چند دنوں کے دوران درجہ حرارت میں کمی اور مزید دھند کی پیش گوئی کی ہے۔